|
Ҷилди I: ОГОҲ ШУДАНИ МАНУЧЕҲР АЗ КОРИ
ЗОЛ ВА РӮДОБА
Ҳамон кун куҷо аз хирад дарх(в)арад,
Дили аждаҳоро хирад бишкарад».
Чу бишнид аз эшон гаронмоя шоҳ,
Саранҷоми онро ҳаме ҷуст роҳ.
Бифармуд, то Нӯзар омад ба пеш
Або вижагону бузургони хеш.
Бад-ӯ гуфт: «Рав пеши Соми савор,
Бипурсаш, ки чун растӣ аз корзор?
Чу дидӣ, бигӯяш, к-аз ин сӯ гирой,
Зи наздики мо кун сӯи хона рой».
Чу Нӯзар бурун шуд зи пеши падар,
Бари паҳлавон зуд бинҳод сар.
Чу з-ин кор Соми ял огоҳ шуд,
Пазира сӯи пури Кайшоҳ шуд.
1 2 3 4 5 >>> |
