|
Ҷилди I: ГУФТОР АНДАР ЗОДАНИ РУСТАМ
Басе барнаёмад бар ин рӯзгор,
Ки озодасарв андаромад ба бор.
Баҳори дилафрӯз пажмурда шуд,
Дилаш бо ғаму ранҷ биспурда шуд.
Зи бас бор к-ӯ дошт дар андарун,
Ҳаме ронд Рӯдоба аз дида хун.
Шикам сахт шуд фарбеҳу тан гарон,
Шуд он арғавонӣ рухаш заъфарон.
Бад-ӯ гуфт модар, ки «Эй ҷони мом,
Чӣ будат, ки гаштӣ чунин зардфом?»
Чунин дод посух, ки «Ман рӯзу шаб
Ҳаме баркушоям ба фарёд лаб.
Чунон гашта бехобу пажмурдаам,
Ту гӯӣ, ки ман зиндаи мурдаам.
1 2 3 4 5 6 7 8 9 10 11 12 13 14 >>> |
