|
Ҷилди II: ХОНИ ПАНҶУМ
ГИРИФТОР ШУДАНИ АВЛОД БА ДАСТИ РУСТАМ
Ҳаме рафт Рустам чу пили дижам,
Каманде ба бозу-дарун шаст хам.
Ба Авлод чун Рахш наздик шуд,
Кулаҳдорро рӯз торик шуд.
Бияфканд Рустам каманди дароз,
Ба ҳам андаромад сари сарфароз.
Зи асп андаромад, ду дасташ бубаст,
Ба пеш андарафканду худ барнишаст.
Бад-ӯ гуфт: Агар рост гӯӣ сухун,
Зи кажжӣ на сар ёбам аз ту, на бун.
Намоӣ маро ҷои Деви Сапед,
Ҳамон ҷои Пӯлоди Ғандиву Бед.
Ба ҷое, ки бастаст Ковусшоҳ,
Куҷо ин бадиҳо намудаст роҳ,
1 2 3 4 5 6 7 8 9 10 11 12 13 14 >>> |