|
Ҷилди II: ХОНИ ПАНҶУМ
ГИРИФТОР ШУДАНИ АВЛОД БА ДАСТИ РУСТАМ
Чу аз хоб бедор шуд пилтан,
Бад- ӯ даштбон гуфт, к-«Эй аҳриман,
Чаро асп дар хед бугзоштӣ,
Бари ранҷ нобурда бардоштӣ?»
Зи гуфтори ӯ тез шуд марди хуш,
Биҷасту гирифташ якояк ду гӯш.
Бияфшурду барканд ҳар ду зи бун,
Нагуфт аз баду нек бо ӯ сухун.
Сабук даштбон гӯшҳо баргирифт,
Ғиревон аз ӯ монд андар шигифт.
Бад-он марз Авлод буд паҳлавон,
Яке номдоре, далере, ҷавон.
Бишуд даштбон назди ӯ бо хурӯш,
Пур аз хун сару дасту канда ду гӯш.
1 2 3 4 5 6 7 8 9 10 11 12 13 14 >>> |
