|
Ҷилди II: ХОНИ ШАШУМ
ҶАНГИ РУСТАМ ВА АРЖАНГДЕВ
Яке ғор пеш оядат ҳавлнок,
Чунон чун шунидам, пур аз тарсу бок.
Гузораш пур аз наррадевони ҷанг,
Ҳама размро сохта чун паланг.
Ба ғор-андарун гоҳи Деви Сапед,
К-аз ӯянд лашкар ба биму умед.
Тавонем агар кардан ӯро табоҳ,
Ки ӯяст солору пушти сипоҳ.
Сипаҳро зи ғам чашмҳо тира шуд,
Маро дида аз тирагӣ хира шуд.
Пизишкон, ки диданд, карданд умед
Ба хуни дилу мағзи Деви Сапед.
Чунин гуфт фарзона марди пизишк,
Ки чун хуни ӯро ба сони сиришк
Чаконӣ се қатра ба чашм-андарун, 1 2 3 4 5 6 7 >>> |