|
Ҷилди II: КОРИ КАЙКОВУС БА ШАҲРИ
БАРБАРИСТОН ВА ДИГАР ДОСТОНҲО
РАЗМ КАРДАНИ КОВУС БО ШОҲИ ҲОМОВАРОН
В-аз он сӯ, ки Гударзи Кашвод буд,
Чу Геву чу Шедӯшу Фарҳод буд,
Фиканданд бар ёли аспон инон,
Ба заҳр об доданд нӯки синон.
Чу бар кӯҳаи зин ниҳоданд сар,
Хурӯш омаду чок-чоки табар.
Ту гуфтӣ, ҳаме сангу оҳан кананд,
В-агар осмон бар замин барзананд.
Биҷунбид Ковус дар қалбгоҳ,
Сипоҳ андаромад ба пеши сипоҳ.
Чунон шуд, ки торик шуд чашми мард,
Биборид шангарф бар лоҷвард.
Ту гуфтӣ, ҳаво жола борад ҳаме,
Ба санг-андарун лола корад ҳаме. 1 2 3 4 5 6 7 8 9 10 11 >>> |