|
Ҷилди II: ПАЁМ ФИРИСТОДАНИ РУСТАМ БА
НАЗДИ ШОҲИ ҲОМОВАРОН
Даромад, баробар ба ҷанг истод,
Бар он душманон чашми худ баркушод.
Талаб кард гурди диловар яке,
Зи бисёр гурдон ва ё андаке.
Наёраст омад касе пеши ҷанг,
Диловар ҳаме кард бар ҷо диранг,
Ки то рафт хуршеди рахшон дар об,
Даромад шаби тирагун дар шитоб.
Яли пилтан Рустами сарфароз
Сӯи ҷои худ дарзамон рафт боз.
Ба оромгаҳ буд, то шаб гузашт,
Дигар рӯз чун шед рахшанда гашт,
Зи ҷой андаромад гави пилтан,
Сафе баркашид аз ялон анҷуман. 1 2 3 4 5 6 7 8 9 10 >>> |