|
Ҷилди II: НОМАИ КОВУС БА РУСТАМ ВА ХОНДАНИ
Ӯ АЗ ЗОБУЛИСТОН
Ҳанӯз он гиромӣ надонад, ки ҷанг
Тавон кард гоҳе шитобу диранг.
Фиристодамаш зарру гавҳар басе
Бари модари ӯ ба дасти касе.
Чунин посух овард, к-он арҷманд
Басе барнаояд, ки гардад баланд.
Ҳаме май хӯрад бо лаби ширбӯй,
Шавад бегумон зуд пархошҷӯй.
Чу ояд-ш ҳангом, тозад чу шер,
Басе сарваронро сар орад ба зер.
Аз ин сон, ки гӯӣ ту, эй паҳлавон,
Ки омад сӯи разми эрониён.
Зи бори Ҳаҷири диловар фиканд,
Бубасташ саросар ба хамми каманд.
1 2 3 4 5 6 7 8 9 10 11 12 >>> |
