|
Ҷилди II: НОМАИ КОВУС БА РУСТАМ ВА ХОНДАНИ
Ӯ АЗ ЗОБУЛИСТОН
Чу нома ба мӯҳр омад, андарбидод
Ба Геви диловар ба кирдори бод.
Ба Гев он гаҳе гуфт: Биштоб зуд,
Инони таковар бибояд бисуд.
Набояд, ки чун назди Рустам шавӣ,
Ба Зобул бимонӣ в- агар биғнавӣ.
Агар шаб расӣ, рӯзро боз гард,
Бигӯяш, ки танг андаромад набард.
В-агар на фароз аст ин марди гурд,
Бадандешро хор натвон шумурд.
Аз ӯ нома бистад ҳам андар шитоб,
Бирафту наҷуст эч орому хоб.
Шабу рӯз тозон чу боди дамон,
На парвои обу на андӯҳи нон.
1 2 3 4 5 6 7 8 9 10 11 12 >>> |
