|
Ҷилди II: КУШТАНИ РУСТАМ ЖАНДАРАЗМРО
Чу бишнид Сӯҳроб, барҷаст зуд,
Биёмад бари Жанда бар сони дуд.
Або чокару шамъу хунёгарон
Биёмад, варо дид мурда чунон.
Шигифт омадаш сахту хира бимонд,
Далерону кундоваронро бихонд.
Бад-эшон чунин гуфт Сӯҳроби шер,
Ки «Эй бихрадону радони далер.
Як имшаб шуморо набояд ғунуд,
Ҳама шаб сари найза бояд бисуд,
Ки гург андаромад миёни рама,
Сагу мардро дид дар дамдама.
Рабуд аз далерон яке гӯсфанд,
Ба зориву хориш чунин фиканд.
1 2 3 4 5 6 7 8 >>> |
