|
Ҷилди II: ОМАДАНИ СИЁВУШ БА НАЗДИ СУДОБА
Падар бо писар роз гуфтан гирифт
Зи бегона мардум нуҳуфтан гирифт.
Бад-ӯ гуфт, к-«Аз кирдгори ҷаҳон
Яке орзу дорам андар ниҳон,
Ки монад зи ту номи ту ёдгор,
Зи пушти ту ояд яке шаҳрёр.
Чунон, к-аз ту ман гаштаам тозарӯй,
Ту дил баркушоӣ ба дидори ӯй.
Чунин ёфтам ахтаратро нишон
Зи гуфти ситорашумар мӯбадон,
Ки аз пушти ту шаҳрёре бувад,
Ки андар ҷаҳон ёдгоре бувад.
Кунун аз бузургон зане баргузин,
Нигаҳ кун паси пардаи Кайпашин,
1 2 3 4 5 6 7 8 9 10 >>> |
