|
Ҷилди II: ОМАДАНИ СИЁВУШ БА НАЗДИ СУДОБА
Ба хони Каёраш дигар низ ҳаст,
Зи ҳар сӯ биёрою бикшой даст»
Бад-ӯ гуфт: «Ман шоҳро бандаам,
Ба фармону рояш сар афкандаам.
Ҳар он кас, ки ӯ баргузинад, равост,
Ҷаҳондор бар бандагон подшост.
Мабодо, ки Судоба ин бишнавад,
Дигаргуна гӯяд, бад-ин награвад.
Ба Судоба з-ин гуна гуфтор нест,
Маро дар шабистони ӯ кор нест.»
Зи гуфти Сиёвуш бихандид шоҳ,
Набуд огаҳ аз об дар зери коҳ.
«Гузини ту бояд, - бад-ӯ гуфт зан
Аз ӯ ҳеч м-андеш дар анҷуман. 1 2 3 4 5 6 7 8 9 10 >>> |