|
Ҷилди II: ПАЁМ ДОДАНИ РУСТАМ КОВУСРО
Сухан бишнав аз ман ту, эй шаҳ, нахуст,
Пас он гаҳ ҷаҳон зери фармони туст.
Ту гуфтӣ, ки бар ҷанги Афросиёб
Марон тез лашкар бад-он рӯи об.
Бимонед, то ӯ биёяд ба ҷанг,
Ки ӯ худ шитоб оварад бедиранг.
Бибудем, то ҷанг ҷӯяд дуруст,
Дари оштӣ ӯ кушод аз нахуст.
Касе к-оштӣ ҷӯяду суру базм,
На некӯ бувад тез рафтан ба разм.
Ва дигар, ки паймон шикастан зи шоҳ
Набошад писандидаи некхоҳ.
Сиёвуш чу пирӯз будӣ ба ҷанг,
Бирафтӣ ба сони диловар наҳанг. 1 2 3 4 5 6 >>> |