|
Ҷилди II: РОЙ ЗАДАНИ СИЁВУШ БО БАҲРОМ ВА ЗАНГА
Касе к-ӯ зи фармони Яздон битофт,
Саросема шуд, хештанро наёфт.
Ҳаме даст ёзид бояд ба хун,
Ба кини ду кишвар будан раҳнамун.
Зи баҳри наво ҳам биёзорад ӯй,
Суханҳои гумкарда боз орад ӯй.
В-агар боз гардам аз ин размгоҳ,
Шавам разм нокарда наздики шоҳ,
Ҳамон хашму пайкор боз оварад,
Ба дил ғам, тан андар гудоз оварад.
Агар тиратон шуд дил аз кори ман,
Бупечидатон сар зи гуфтори ман,
Фиристода худ бошаму раҳнамой,
Бимонам бар ин дашт пардасарой. 1 2 3 4 5 6 7 8 9 10 11 12 >>> |