|
Ҷилди II: РОЙ ЗАДАНИ СИЁВУШ БО БАҲРОМ ВА ЗАНГА
Ду гетӣ ҳаме бурд хоҳад зи ман,
Бимонам ба коми дили Аҳриман.
В-аз он пас, кӣ донад, к-аз ин корзор
Киро баркашад гардиши рӯзгор?
Назодӣ маро кошкӣ модарам
В-агар зод, марг омадӣ бар сарам!
Ки чандин балоҳо бибояд кашид,
Зи гетӣ ҳама заҳр бояд чашид.
Дарахтест ин баркашида баланд,
Ки бораш ҳама заҳру баргаш газанд.
В-аз ин гуна паймон, ки ман кардаам,
Ба Яздон чи савгандҳо х(в)ардаам,
Агар сар бигардонам аз ростӣ,
Фароз ояд аз ҳар сӯе костӣ. 1 2 3 4 5 6 7 8 9 10 11 12 >>> |