|
Ҷилди III: ГИРИФТОР ШУДАНИ ПИРОН ДАР ДАСТИ ГЕВ
Бари шоҳ бурдаш ҳаме зору хор,
Ду рухсора зарду ба тан сӯгвор.
Пиёда ба наздики Хусрав замин
Бибӯсиду бар шоҳ кард офарин.
Чунин гуфт, к-«Ин бадтани бевафо
Гирифтор шуд дар дами аждаҳо,
Сиёвуш ба гуфтори ӯ сар бидод,
Чу ӯ бод гашт, ин шавад низ бод».
Абар шоҳ Пирон гирифт офарин,
Хурӯшиду бӯсид рӯи замин.
Ҳаме гуфт, к-«Эй шоҳи донишпижӯҳ,
Чу хуршеди тобон миёни гурӯҳ,
Ту дониста? дарду тимори ман,
Зи баҳри ту бо шоҳ пайкори ман. 1 2 3 4 5 >>> |