|
Ҷилди VI: ҶОДУӢ КАРДАНИ ТУРОНИЁН БАР
СИПОҲИ ЭРОН
Ҳаво гашт аз он сон, ки аз пеш буд,
Фурӯзанда хуршеду гардун кабуд.
Падарро бигуфт, он чӣ ҷоду бикард,
Чӣ овард бар мо ба рӯзи набард.
Бидиданд аз он пас далерони шоҳ,
Чу дарёи хун гашта овардгоҳ.
Ҳама дашт яксар аз эрониён
Тани бесарон буд, сари бетанон.
Чунин гуфт Гударз аз он пас ба Тус,
Ки «На пил бояд, на овои кӯс.
Ҳама теғҳо яксара баркашем,
Барорем ҷӯш, ар кушанд, ар кушем.
Ҳамоно, ки моро сар омад замон,
На рӯзи каманд асту тиру камон». 1 2 3 4 5 6 7 8 9 >>> |