|
Ҷилди VI: ҶОДУӢ КАРДАНИ ТУРОНИЁН БАР
СИПОҲИ ЭРОН
Ялон аз паси пушт бугрехтанд.
Яке мӯбаде Туси ялро бихонд,
«Паси пушти ту,- гуфт,-лашкар намонд.
Набояд, к-ат андар миён оваранд,
Сипаҳ бар сипаҳбад зиён оваранд».
Ба Геви далер он гаҳе Тус гуфт,
Ки «Бо мағзи лашкар хирад нест ҷуфт,
Ки моро бар ин гуна бугзоштанд,
Ба хира чунин рӯй баргоштанд.
Ту рав бозгардон сипаҳро зи роҳ
Ба беғораи душману шарми шоҳ».
Бишуд Геву лашкар ҳама бозгашт,
Пур аз кушта диданд ҳомуну дашт.
1 2 3 4 5 6 7 8 9 >>> |