|
Ҷилди VI: ГИРД КАРДАНИ ТУРОНСИПОҲ
КӮҲИ ҲАМОВАНРО
Паси лашкар - андар гирифтанд роҳ,
Сипаҳдору Пирону туронсипоҳ.
Ба Лаҳҳок фармуд, к -«Акнун маист,
Биҷунбон, инон бо саворе дувист».
Бад -ӯ гуфт: «Макшой банд аз миён,
Бубин, то куҷоянд эрониён».
Ҳаме рафт Лаҳҳок бар сони бод,
Зи хобу зи хӯрдан накард эч ёд.
Чу ниме зи тирашаб андаргузашт,
Талоя бидидаш ба торикдашт.
Хурӯш омад аз кӯҳу овои занг,
Надид эч Лаҳҳок ҷои диранг.
Ба наздики Пирон биёмад зи роҳ,
Бад-ӯ огаҳӣ дод аз эронсипоҳ,
1 2 3 4 5 6 7 8 9 10 11 12 >>> |
