|
Ҷилди VI: ГИРД КАРДАНИ ТУРОНСИПОҲ
КӮҲИ ҲАМОВАНРО
Чу хуршеди тобанда бинмуд тоҷ,
Бигустард кофур бар тахти оҷ,
Ҳамоно, ки фарсанг даҳ рафта буд,
Бадандеш аз хастагӣ хуфта буд.
Бад-ин сон ҳаме рафт рӯзу шабон
Пур аз ғам дилу ночарида лабон.
Ба наздики кӯҳи Ҳамован расид,
Бар он домани кӯҳ лашкар кашид.
Ҳама дида пурхуну дил пур зи доғ,
Зи ранҷи равон гашта чун парри зоғ.
Чунин гуфт Туси сипаҳбад ба Гев,
Ки «Эй пурхирад номбардор нев,
Се рӯз аст, то з-ин нишон рафтаем,
Ба хобу ба хӯрдан напардахтаем.
1 2 3 4 5 6 7 8 9 10 11 12 >>> |