|
Ҷилди VI: РОЙ ЗАДАНИ ПИРОН БО ХОҚОНИ ЧИН
Чу Рустам набошад, аз ӯ бок нест,
Дами ӯ бар ин заҳр тарёк нест.
Або он, ки Комус рӯзи набард
Ҳаме пилтанро надорад ба мард.
Мабодо, ки ӯ дорад эдар ба ҷанг,
В-агар чанд Комус бошад наҳанг».
Бад-ӯ гуфт Ҳумон, ки «Эй паҳлавон,
Чӣ дорӣ ба андеша тира равон.
На Рустам, на аз Систон лашкар аст,
Фарибурзро хоку хун эдар аст».
Чунин гуфт Пирон, ки «Аз тахту гоҳ
Шудам дуру безорам аз ҳуру моҳ,
Ки чун ман шунидам, к-аз Эрон сипоҳ
Хиромиду омад бад-ин размгоҳ.
1 2 3 4 5 6 7 8 9 10 11 >>> |
