|
Ҷилди VI: РОЙ ЗАДАНИ ПИРОН БО ХОҚОНИ ЧИН
Аз Эрон биёмад гави пилтан,
Фарибурзи Ковусу он анҷуман.
Бифармуд, то баркашиданд кӯс,
Зи гарди сипаҳ гашт кӯҳ обнӯс.
Зи кӯҳи Ҳамован баромад хурӯш,
Замин омад аз бонги аспон ба ҷӯш.
Сипаҳбад бар эшон забон баркушод,
Зи Мозандарон кард бисёр ёд,
Ки бо дев дар ҷанг Рустам чӣ кард,
Бар эшон чӣ овард рӯзи набард.
Сипоҳ офарин хонд бар паҳлавон,
Ки бедордил бошу равшанравон.
Бад-ин мужда гар ҷон фишонам, равост,
Ки ин мужда осоиши ҷони мост.
1 2 3 4 5 6 7 8 9 10 11 >>> |
