|
Ҷилди VI: РАЗМ КАРДАНИ ГЕВ ВА ТУС БО КОМУС
Бари кӯҳ лашкар биёростанд,
Дурафши хуҷаста биперостанд.
Чу бо майсара рост шуд маймана,
Ҳамон соқаву қалбу ҷои буна.
Баромад хурӯшидани каррной,
Сипаҳ чун сипеҳр андаромад зи ҷой.
Чу Комус танг андаромад ба ҷанг,
Ба ҳомун набудаш замоне диранг.
Сипаҳро ба кирдори дарёи Об,
Ки аз кӯҳ фуруд ояд андар шитоб.
Биёвард, пеши Ҳамован расид,
Ҳаво нилгун шуд, замин нопадид.
Чу наздик шуд, сар сӯи кӯҳ кард,
Пур аз ханда рух сӯи анбӯҳ кард,
1 2 3 4 5 6 7 8 >>> |
