|
Ҷилди VI: ПУРСИДАНИ ПИРОН АЗ ОМАДАНИ
РУСТАМ
Або ин шигифтӣ ба рӯзи набард,
Сазад, гар надорӣ ту ӯро ба мард.
Бар ин шоху ин ёлу бозуву кифт,
Ҳунарманд бошӣ, набошад шигифт».
Чу бишнид Комуси бисёрҳуш,
Ба Пирон супурд он замон чашму гӯш.
Ҳамоно, хуш омад-ш гуфтори ӯй,
Барафрӯхт з-ин кор бозори ӯй.
Ба Пирон чунин гуфт, к-«Эй паҳлавон,
Ту бедордил бошу равшанравон.
Бубин, то чӣ хоҳӣ зи савганди сахт,
Ки хӯрданд шоҳони бедорбахт.
Хурам ман кунун з-он фузун пеши ту,
Ки равшан шавад з-он дили реши ту,
1 2 3 4 5 6 7 >>> |
