|
Ҷилди VI: КУШТА ШУДАНИ КОМУС БА ДАСТИ РУСТАМ
Замона туро, эй кашонӣ, биронд,
Чу эдар будат хок, ҷое намонд».
Барангехт Комуси ҷангӣ саманд,
Ҳамоварди ӯ пил буд бо каманд.
Дарандохт теғи парандовараш,
Ҳаме хост аз тан гусистан сараш.
Сари теғ бар гардани Рахш х(в)ард,
Бибуррид баргустувони набард.
Наёмад тани аспро з-он газанд,
Гави пилтан ҳалқа кард он каманд.
Бияндохт в-афкандаш андар миён,
Барангехт аз ҷой пили жиён.
Ба рон андароварду кардаш дувол,
Уқобе шуда Рахши бопарру бол.
1 2 3 4 5 6 >>> |
