|
Ҷилди VI: КУШТА ШУДАНИ КОМУС БА ДАСТИ РУСТАМ
Ду даст аз паси пушт басташ чу санг,
Ба хамми каманд андарафканд чанг.
Пиёда биёмад ба эронсипоҳ,
Ба зери каш-андар тани кинахоҳ.
Ба гурдон чунин гуфт, к-«Ин размҷӯй
Зи бас зӯри кин андаромад ба рӯй.
Чунин аст расми сарои фиреб,
Гаҳе бар фарозу гаҳе бар нишеб.
Аз ӯ шодмонӣ в-аз ӯ мустаманд,
Гаҳе бар замин, гаҳ ба абри баланд.
Кунун ин сарафроз марди далер,
Ки будӣ ҳамеша ҳамоварди шер,
Ба Эрон ҳаме шуд, ки вайрон кунад,
Бару буми мо ҷои шерон кунад. 1 2 3 4 5 6 >>> |