|
Ҷилди VI: РОЙ ЗАДАНИ ПИРОН БА ҲУМОН ВА ХОҚОН
Бад-ӯ гуфт хоқон: «Бирав пеши ӯй,
Сухан ҳар чӣ бояд, ҳама нарм гӯй.
Агар оштӣ хоҳаду дастгоҳ,
Чӣ бояд бар ин дашт ранҷи сипоҳ?
Басе ҳадя бипзиру пас боз гард,
Сазад гар наҷӯем чандин набард.
Чу тан зери чарми паланг андар аст,
Ҳамоно, ки рояш ба ҷанг андар аст.
Ҳама яксара низ ҷанг оварем,
Бад-ӯ дашти пайкор танг оварем.
Ҳама пуштро сӯи Яздон кунем,
Ба нерӯ бар ӯ разм чандон кунем .
Ҳам ӯро тан аз оҳану рӯй нест,
Ҷуз аз хуну аз гӯшт в-аз мӯй нест.
1 2 3 4 5 >>> |
