|
Ҷилди VI: РОЙ ЗАДАНИ ТУРОНИЁН АЗ ҶАНГИ
ЭРОНИЁН
Ки донӣ, к-аз эдар гунаҳгор нест,
Дили шоҳ аз ӯ пур зи тимор нест.
Нигаҳ кун, ки ин бум вайрон шавад,
Ба коми далерони Эрон шавад.
На пиру ҷавон монад эдар, на шоҳ,
На ганҷу сипоҳу на тахту кулоҳ.
Ҳаме гуфтам ин шоҳӣ бедодро,
Ки чандин мадор оташу бодро,
Ки рӯзе шавӣ ногаҳон сӯхта,
Хирад сӯхта, чашму дил дӯхта.
Набурд он ҷафопеша фармони ман
На фармони он номдор анҷуман.
Биканд он гаронмоя шаҳро зи ҷой,
Назад бо далери хирадманд рой.
1 2 3 4 5 6 7 8 9 10 11 12 13 14 >>> |
