|
Ҷилди VI: СУХАН ГУФТАНИ РУСТАМ БО ЛАШКАРИ ХЕШ
В-аз ин рӯй Рустам ялонро бихонд,
Суханҳои боиста чанде биронд
Чу Тусу чу Гударзу Руҳҳому Гев,
Фарибурзу Густаҳму Харроди нев.
Чу Гургини корозмуда савор,
Чу Бежан фурӯзандаи корзор
Таҳамтан чунин гуфт, к-«Эй бихрадон,
Ҳушивору бедордил мӯбадон,
Касеро, ки Яздон кунад некбахт,
Сазовор бошад варо тоҷу тахт.
Ҷаҳонгиру пирӯз бошад ба ҷанг,
Натарсад зи пилу наҳангу паланг.
Зи Яздон бувад зӯр, мо худ кием,
Бад-ин тира хок - андарун бар чием?
1 2 3 4 5 6 7 8 9 10 11 12 >>> |