|
Ҷилди VI: СУХАН ГУФТАНИ РУСТАМ БО ЛАШКАРИ ХЕШ
Чу бишнид Гударз, бар пой хост,
Бад-ӯ гуфт, к-«Эй меҳтари доду рост,
Сутуни сипоҳиву зебои гоҳ,
Фурӯзон ба ту тоҷу тахту кулоҳ.
Сари мояи туст равшан хирад,
Равонат ҳаме аз хирад бар хурад.
Зи ҷанг оштӣ, бегумон, беҳтар аст,
Нигаҳ кун, ки говат ба чарм андар аст.
Бигӯям яке пеши ту достон,
Кунун бишнав аз гуфтаи бостон.
Ки аз ростӣ ҷони бадгавҳарон
Гурезад чу гардан зи бори гарон.
В-ар эдун, ки бечора паймон кунад,
Бикӯшад, пас онро дигарсон кунад.
1 2 3 4 5 6 7 8 9 10 11 12 >>> |
