|
Ҷилди VI: СУХАН ГУФТАНИ РУСТАМ БО ЛАШКАРИ ХЕШ
Маро тахту ганҷ асту ҳам чорпой,
Бад-эшон бимонам сазовор ҷой.
Бигуфтам аз эдар, биёӣ, равост,
Ба Эрон туро тахту ганҷу навост.
Яке гӯшае гир, то назди шоҳ
Зи ту ошкоро нагардад гуноҳ.
Чу гуфтем Пирон бар он боз гашт,
Шаби тира бо бод анбоз гашт.
Ҳаюне фиристод наздики шоҳ,
Ки лашкар биёрой, к-омад сипоҳ.
Ту гуфтӣ, ки бо мо нарафт он сухун,
На сар буд аз он кор пайдо, на бун.
Даҳум рӯз лашкар ба ҳомун кашид,
Ҷаҳоне саросар сипаҳ густарид.
1 2 3 4 5 6 7 8 9 10 11 12 >>> |
