|
Ҷилди VI: СИПОҲ ФИРИСТОДАНИ АФРОСИЁБ
БА НАЗДИКИ ПИРОН
Чу донад, ки танг андаромад нишеб,
Дурафши ҷафопеша омад падид,
Сипаҳ бар лаби рӯд саф баркашид.
Биёрост лашкар сипаҳдор Тус,
Ба ҳомун кашиданд пилону кӯс.
Дурӯя сипоҳ андаромад чу кӯҳ,
Саворони Эрону Турон гурӯҳ.
Чунон шуд зи гарди сипаҳ офтоб,
Ки оташ баромад зи дарёи об.
Дурахшидани теғу жӯпину хишт,
Ту гуфтӣ замин - бар ҳаво лола кишт.
Зи ҷӯши саворони зарринкамар,
Зи бас тарги заррину заррин сипар
Баромад яке абр чун сандарӯс,
1 2 3 4 >>> |
