|
Ҷилди VI: ХОСТАНИ ХУСРАВ РУСТАМРО БАРОИ
ҶАНГИ АКВОНДЕВ
Чу нома бихонӣ, ба Зобул мапой».
Бурун рафт Гургин чу боди дамон,
Ва ё ҳамчу гӯре, ки тарсад зи ҷон.
Чу омад ба Зобул бари номдор,
Бад-ӯ дод он номаи шаҳрёр.
Таҳамтан чу бишнид фармони шоҳ,
Гурозон биёмад бад-он боргоҳ.
Бибӯсид хок аз бари тахти ӯй,
Ҳаме офарин хонд бар бахти ӯй.
Чунин гуфт: «Шоҳо, маро хостӣ,
Кунун омадам, то чӣ оростӣ.
Миён бастаам, то чӣ фармон диҳӣ,
Ки ҷуфти ту бодо меҳиву беҳӣ».
Чу Хусрав варо дид, бинвохташ, 1 2 3 4 5 6 >>> |