|
Ҷилди VI: ХОСТАНИ ХУСРАВ РУСТАМРО БАРОИ
ҶАНГИ АКВОНДЕВ
Нашоист ҷуз Рустами Зол кас,
Ки бошад бад-он кор фарёдрас.
Яке нома бинвишт пурмеҳру дод,
Зи гурдон ба Гургини Милод дод.
Бад-ӯ гуфт Хусрав ба фархундафол,
«Бубар номаи ман бари пури Зол.
Шабу рӯз бояд-т рафтан чу дуд,
Ба Зобулситон-дар набояд ғунуд.
Дурудаш деҳ аз ман фаровон ба меҳр,
Бигӯяш, ки бе ту мабодо сипеҳр!
Чу бархонад ин нома, з-он пас бигӯй,
Ки фарри ман аз туст, эй номҷӯй.
Яке рӯй бинмову хез, эдар ой,
Чу нома бихонӣ, ба Зобул мапой». 1 2 3 4 5 6 >>> |