|
Ҷилди VI: БУРДАНИ ГАРСЕВАЗ БЕЖАНРО ПЕШИ АФРОСИЁБ
Бад-ӯ офарин кард, к-«Эй шаҳрёр,
Сазад, гар кунӣ ростӣ хостор.
На ман б-орзу ҷустам ин пешгоҳ,
Набуд андар ин кор касро гуноҳ.
Аз Эрон ба ҷанги гуроз омадам,
Бад-ин ҷашни Турон фароз омадам.
Зи баҳри яке бози гумбударо,
Барандохтам меҳану дударо.
Ба зери яке сарв рафтам ба хоб,
Ки то соя дорад маро з-офтоб.
Парие биёмад бигустард пар,
Маро андаровард хуфта ба бар.
Зи аспам ҷудо карду шуд то ба роҳ,
Ки омад ҳаме лашкари духти шоҳ.
1 2 3 4 5 6 7 8 9 10 11 12 >>> |
