|
Ҷилди VI: БУРДАНИ ГАРСЕВАЗ БЕЖАНРО ПЕШИ АФРОСИЁБ
Дар он хона сесад парастанда буд,
Ҳама бо рубобу набиду суруд.
Чу Бежан нишаста миёни занон,
Ба лаб-бар маи сурху шодикунон.
Хурӯшид Гарсеваз он гаҳ бадард,
Ки «Эй хешнашноси нопокмард!
Фитодӣ ба чанголи шери жиён,
Куҷо бурд хоҳӣ ту ҷон з-ин миён?».
Бупечид бар хештан Бежано,
Ки чун разм созам бараҳнатано.
На шабранг бо ман, на раҳвори бур,
Ҳамоно, ки баргаштам имрӯз ҳур.
Куҷо Геви Гударзи Кашводагон,
Ки сар дод бояд ҳаме ройгон?
1 2 3 4 5 6 7 8 9 10 11 12 >>> |
