|
Ҷилди VI: ДИДАНИ КАЙХУСРАВ БЕЖАНРО ДАР
ҶОМИ ГЕТИНАМОЙ
Сӯи кишвари Гургсорон расид,
Ба фармони Яздон мар ӯро бидид.
Бад-он чоҳ баста ба банди гарон,
Зи сахтӣ ҳаме марг ҷуст андар он.
Яке духтаре аз нажоди каён
Зи баҳри завориш баста миён.
Сӯи Гев кард он гаҳе рӯй шоҳ,
Бихандиду рахшанда шуд пешгоҳ,
Ки «Зинда-ст Бежан, ту дил шод дор,
Зи ҳар бад тани меҳтар озод дор.
Магар ғам надорӣ ба зиндону банд,
Аз он пас, ки бар ҷон-ш н-омад газанд,
Ки Бежан ба Турон ба банд-андар аст,
Завораш яке номвар духтар аст.
1 2 3 4 >>> |
