|
Ҷилди VI: БОЗ ОМАДАНИ РУСТАМ ПЕШИ
КАЙХУСРАВ
Хунук Зол, к-аш бугзарад рӯзгор,
Бимонад ба гетӣ чу ту ёдгор.
Хуҷаста бару буми Зобул, ки шер,
Ҳаме парваронад гавони далер.
Хушо шаҳри Эрону фаррухгавон,
Ки доранд чун ту яке паҳлавон.
В-аз ин ҳар се бартар сари бахти ман,
Ки чун ту парастад ҳаме тахти ман.
Туӣ тоҷи Эрону пушти меҳон,
Нахоҳем бе ту замоне ҷаҳон».
Ба Гев он гаҳе гуфт шоҳи ҷаҳон,
Ки «Нек аст бо кирдгорат ниҳон,
Ки бар дасти Рустам ҷаҳонофарин
Ба ту дод пирӯз пури гузин».
1 2 3 4 5 6 >>> |
