|
Ҷилди VI: БОЗ ОМАДАНИ РУСТАМ ПЕШИ
КАЙХУСРАВ
Зи дарду ғамон растагони туем,
Ба Эрон камарбастагони туем».
Бар аспон нишастанд яксар меҳон,
Гурозон ба даргоҳи шоҳи ҷаҳон.
Чу наздики шаҳри ҷаҳондор шоҳ
Фароз омад он гурди лашкарпаноҳ,
Пазира шудаш шаҳрёри ҷаҳон,
Нигаҳдори гурдону тоҷи меҳон.
Чу Рустам ба фарри ҷаҳондор шоҳ
Нигаҳ кард, к-омад пазира ба роҳ,
Пиёда шуд аз аспу бурдаш намоз,
Ғамӣ гашта аз ранҷу роҳи дароз.
Ҷаҳондор хусрав гирифташ ба бар,
Ки «Эй пушти мардиву ҷони ҳунар,
1 2 3 4 5 6 >>> |
