|
Ҷилди V: Андарз кардани Зол Кайхусравро
Ҳамон низ з-эрониён ҳаркӣ буд,
Бар андозашон пойгаҳ барфузуд .
Бар ӯ офарин кард бисёр Зол,
Ки шодон бизӣ, то бувад моҳу сол!
Зи гоҳи Манучеҳр то Кайқубод
Аз он номдорон, ки дорем ёд,
Ҳамон Завви Таҳмоспу Ковуси Кай
Бузургону шоҳони фархундапай,
Сиёвуш маро худ чу фарзанд буд,
Ки бо фарру бо бурзу авранд буд,
Надидам касеро бад-ин бихрадӣ,
Бад-ин ному ин фарраи эзадӣ,
Ки шоҳ асту бодо ҳамеша ба ҷой,
Ба пирӯзиву мардиву доду рой.*
1 2 3 4 5 6 7 >>> |
