|
Ҷилди V: Андарз кардани Зол Кайхусравро
Ҳамон гаҳ зи дар парда бардоштанд,
Бар андозашон шод бугзоштанд.
Чу Дастону чун Рустами пилтан,
Чу Тусу чу Гударзу он анҷуман,
Чу Гургину чун Бежану Густаҳам
Ҳар он кас, ки рафтӣ зи гурдон ба ҳам.
Шаҳаншоҳ чун рӯи Дастон бидид,
Ҳам аз парда овои Рустам шунид.
Пурандеша аз тахт бар пой ҷаст,
Бипурсидаш аз ҷою месуд даст.
Зи донандагон ҳар кӣ буд Зобулӣ,
Зи Қаннуҷ в-аз Данбару Кобулӣ,
Якояк бипурсиду бинвохтшон,
Ба расми меҳӣ ҷойгаҳ сохтшон.
1 2 3 4 5 6 7 >>> |
