|
Ҷилди V: Фиристодани Кайхусрав бандиён ва
Ганҷ назди Ковус бо нома
Фуруд омад аз тахт Ковусшоҳ,
Зи сар баргирифт он каёнӣ кулоҳ.
Биёмад, биғалтид бар тирахок
Ниёишкунон пеши Яздони пок.
Аз он ҷойгаҳ шуд ба ҷои нишаст,
Або паҳлавонони хусравпараст, *
Ҳаме гуфт бо шоҳ Гев, он чӣ дид,
Сухан низ, к-аз шоҳи Эрон шунид.
Май оварду ромишгаронро бихонд,
В-аз Эрон набардасаронро бихонд.
Ҳама шаб ҳаме гуфту посух шунид,
Чунин то шаби тира андарчамид.
Бирафтанд бо шамъ ёрон зи пеш,
Диле шоду хуррам ба айвони хеш. 1 2 3 4 5 6 7 8 9 10 11 12 >>> |