|
Ҷилди I: БАНД КАРДАНИ ФАРИДУН ЗАҲҲОКРО
Ҳамон тезханҷар кашид аз ниём,
На бикшод розу на баргуфт ном.
Ба чанг - андараш обгун дашна буд,
Ба хуни паричеҳрагон ташна буд.
Зи боло чу пай бар замин барниҳод,
Биёмад Фаридун ба кирдори бод.
Бад-он гурзаи говсар даст бурд,
Бизад бар сараш, таркро кард хурд.
Биёмад суруши хуҷаста дамон,
«Мазан, - гуфт, к-ӯро наёмад замон.
Ҳам эдун шикаста бубандаш чу санг,
Бубар, то ду кӯҳ оядат пеш танг.
Ба кӯҳ - андарун беҳ бувад банди ӯй,
Наёяд бараш хешу пайванди ӯй».
1 2 3 4 5 6 7 8 9 10 11 12 13 >>> |