|
Ҷилди I: БАНД КАРДАНИ ФАРИДУН ЗАҲҲОКРО
В-агарна ман эдар ҳаме будаме,
Басе бо шумо рӯз паймудаме.»
Меҳон пеши ӯ хок доданд бӯс,
Зи даргоҳ бархост овои кӯс.
Ҳама шаҳр дида ба даргоҳ-бар,
Хурӯшон бар он рӯзи кӯтоҳ-бар,
Ки то аждаҳоро бурун оварид
Ба банди каманде , чунон чун сазид,
Дамодам бурун рафт лашкар зи шаҳр,
В-аз он шаҳр ноёфта ҳеч баҳр.
Бибурданд Заҳҳокро баста хор,
Ба пушти ҳаюне барафканда зор.
Ҳаме ронд аз ин гуна то Шерхон,
Ҷаҳонро чу ин бишнавӣ, пир хон.
1 2 3 4 5 6 7 8 9 10 11 12 13 >>> |
