|
Ҷилди I: БАНД КАРДАНИ ФАРИДУН ЗАҲҲОКРО
Чу ин кори он ҷӯяд, он кори ин,
Пурошӯб гардад саросар замин.
Ба банд - андар аст, он ки нопок буд,
Ҷаҳонро зи кирдори ӯ бок буд.
Шумо дер монеду хуррам бувед,
Ба ромиш сӯи варзиши худ шавед!»
Шуниданд мардум суханҳои шоҳ
Аз он пурҳунар марди бодастгоҳ.
В-аз он пас ҳама номдорони шаҳр
Касеро, ки буд аз зару ганҷ баҳр,
Бирафтанд бо ромишу хоста,
Ҳама дил ба фармонаш ороста.
Фаридуни фарзона бинвохтшон,
Зи роҳи хирад пойгаҳ сохтшон.
1 2 3 4 5 6 7 8 9 10 11 12 13 >>> |
