|
Ҷилди I: ФАРИДУН
БАР ТАХТ НИШАСТАНИ ФАРИДУН
Ки «Ҷовид бодо чунин рӯзгор!
Барӯманд бодо чунин шаҳрёр!»
В-аз он пас Фаридун ба гирди ҷаҳон
Бигардиду дид ошкору ниҳон.
Ҳар он чиз, к-аз роҳи бедод дид,
Ҳар он буму бар, к-он на обод дид,
Ба некӣ бибаст ӯ дару дасти бад,
Чунон, к-аз раҳи шаҳрёрон сазад.
Биёрост гетӣ ба сони биҳишт,
Ба ҷои гиё сарву гулбун бикишт.
Зи Омул гузар сӯи Таммеша кард.
Нишаст андар он номвар беша кард.
Куҷо, к-аз ҷаҳон Кӯс хонӣ ҳаме,
Ҷуз ин ном низаш надонӣ ҳаме.
1 2 3 4 5 6 7 >>> |
