|
Ҷилди I: СИТОИШИ ПАЙҒАМБАР ВА ЁРОНАШ
Чаҳорум Алӣ буд ҷуфти Батул,
Ки ӯро ба хубӣ ситояд расул,
Ки «Ман шаҳри илмам, Алиям дар аст»,
Дуруст, ин сухан қавли пайғамбар аст.
Гувоҳӣ диҳам, к-ин сухан рози ӯст,
Ту гӯӣ, ду гӯшам бар овози ӯст.
Алиро чунин дону дигар ҳамин,
К-аз эшон қавӣ шуд ба ҳар гуна дин.
Набӣ офтобу саҳобон чу моҳ,
Ба ҳам бастани якдигаррост роҳ.
Манам бандаи аҳли байти набӣ,
Ситояндаи хоки пои васӣ.
Або дигарон мар маро кор нест,
Ҷуз ин мар маро роҳи гуфтор нест.
1 2 3 4 >>> |