|
Ҷилди I: СИТОИШИ ПАЙҒАМБАР ВА ЁРОНАШ
Ҳаким ин ҷаҳонро чу дарё ниҳод,
Барангехта мавҷ аз ӯ тундбод.
Чу ҳафтод киштӣ бар ӯ сохта,
Ҳама бодбонҳо барафрохта.
Яке паҳнкиштӣ ба сони арӯс
Биёроста ҳамчу чашми хурӯс.
Муҳаммад бад-ӯ - андарун бо Алӣ,
Ҳамон аҳли байти набиву васӣ,
Хирадманд, к-аз дур дарё бидид,
Карона на пайдову бун нопадид,
Бидонист, к-ӯ мавҷ хоҳад задан,
Кас аз ғарқ берун нахоҳад шудан.
Ба дил гуфт, агар бо набиву васӣ
Шавам ғарқа, дорам ду ёри вафӣ.
1 2 3 4 >>> |
