|
Ҷилди I: РОЙ ЗАДАНИ ЗОЛ БО МӮБАДОН ДАР КОРИ РӮДОБА
Бигӯед, к-инро чӣ дармон барад.
Нагуфтам ман ин, то нагаштам ғамӣ,
Ба мағзу хирад дарнаёмад камӣ.
Ҳама коҳи Меҳроб меҳри ман аст,
Заминаш чу гардонсипеҳри ман аст.
Дилам гашт бо духти Синдухт ром,
Чӣ гӯед, бошад бад-ин ром Сом?
Шавад ром, гӯяд Манучеҳршоҳ,
Ҷавонӣ гумоне барад ё гуноҳ?
Чи кеҳтар, чи меҳтар чу шуд ҷуфтҷӯй,
Сӯи дину оин ниҳодаст рӯй.
Бад-ин дар хирадмандро ҷанг нест,
Ки ҳам рои дин асту ҳам нанг нест.
Чӣ гӯяд кунун мӯбади пешбин,
Чӣ бинанд фарзонагон андар ин?»
1 2 3 4 5 6 7 >>> |
