|
Ҷилди I: РОЙ ЗАДАНИ ЗОЛ БО МӮБАДОН ДАР КОРИ РӮДОБА
Се дигар, ки бошад зи тухми бузург,
Чу беҷуфт бошад, намонад сутург.
Чӣ некӯтар аз паҳлавони ҷаҳон,
Ки гардад ба фарзанд равшан равон,
Чу ҳангоми рафтан фароз оядаш,
Ба фарзанд-нав рӯз боз оядаш.
Ба гетӣ бимонад зи фарзанд ном,
Ки ин пури Зол асту он пури Сом.
Бад-ӯ гардад ороста тоҷу тахт,
Аз он рафта ному бад-ин монда бахт.
Кунун ин ҳама достони ман аст,
Гулу наргиси бӯстони ман аст.
Дил аз ман рамидасту рафта хирад,
Бигӯед, к-инро чӣ дармон барад. 1 2 3 4 5 6 7 >>> |